بعد النجاح الكبير الذي حققته مسلسلات رمضان وعلى رأسها مسلسل "الاختيار"، هاجم الفنان والسيناريست عمرو محمود ياسين، اللاعب الدولي السابق كابتن أحمد حسن، ورد على الانتقادات السابقة التي وجهها كابتن منتخب مصر السابق، للفن والفنانين.نشر عمرو أفيشات عدد من المسلسلات التي حظيت بنجاح كبير خلال الموسم الرمضاني الحالي، عبر حسابه على "فيسبوك"، وعلّق كاتباً: "لسه فاكر كلام كابتن أحمد حسن وهو يسخر من الفنانين ومن الأعمال الدرامية ولسه فاكر كل الناس اللي عملت زيه وهي بتقلل من قيمة الفن وإنه مش مهم وإنه إيه أهمية تروحوا تصوروا".تابع: "يا ترى شفتوا الحالة اللي عملها الفن في الأيام اللي فاتت؟ فرقت معاكم المسلسلات يا ترى ولا لأ؟ تخيلوا كده وأنتم قاعدين في البيت الأيام اللي فاتت من غير الأعمال الدارمية دي كلها.. ومتفرغين فقط لعد أعداد حالات الكورونا؟!.. شفتوا إزاي ممكن حلقة في مسلسل تغير من عقول ونفوس ناس؟ شفتوا إزاي أعمال فنية ممكن تزرع قيم ومبادئ في نفوس شباب وأطفال؟".واختتم حديثه: "مصر محظوظة بقوتها الناعمة.. ياريت ندرك قيمة الفن وأهميته.. ونبطل نسخر منه ونحط من شأنه.. الفن قوة".وكان أحمد حسن قد انتقد تصريحات الفنانة دينا قبل الموسم الرمضاني بشأن استمرار تصوير الأعمال الفنية، كاتباً عبر حسابه على "تويتر": "بما إن اللوكيشن معقم وفيه مطهرات وكمامات، لا بقى ده إحنا نيجي نصلي الجمعة الجاية عندكم، وإخواتنا الأقباط ييجوا يوم الأحد طالما مش عارفين نعقم ونحط كمامات في المساجد والكنائس، والله هم يبكي وهم يضحك".

قد يهمك ايضا

ياسمين عبد العزيز تختار عمرو محمود ياسين لكتابة مسلسلها في رمضان 2020

عمرو محمود ياسين يؤكد أن محمد الشرنوبى صاحب فكرة "ماتيجي يا مليجي"