توقيع كتاب "قانون حواء" لـ رشا صبرى فى معرض القاهرة للكتاب

صدر حديثا عن دار تويا للنشر والتوزيع كتاب تحت عنوان "قانون حواء" للكاتبة رشا صبرى، والذى يعرض فى معرض الكتاب، بنسخته الذهبية، وسوف توقع الكاتبة على الكتاب، اليوم الأربعاء، فى تمام الساعة الرابعة مساء.

ويقدم الكتاب إجابة لكل سؤال بيدور جوا عقل أى سيدة، حيث تقول الكاتبة: "هنتكلم عن كل حق من حقوقك، عن حقك فى الشارع وإنك تمشى من غير خوف من أى متحرش، عن حقك جوا البيت، والشبكة لو محصلش نصيب إزاى تكون من حقك قانونًا، والطلاق ودوشته الكتيرة، وهل فى الخلع ينفع أخد حقوقى وقايمتى".

كما توضح الكاتب للمرأة عن كيفية التصرف فى حالة الابتزاز الإليكترونى، وزنا الزوج، الجواز العرفى، وحق نسب الأولاد والولاية على مين؟، وحقك فى الميراث.

وتستكمل الكاتبة رشا صبرى: "هعرفك إن الدين فَضلك وخلاكى تأخدى ضعف الراجل بل أحيانًا حقك يحجب ميراثه، الاغتصاب وهتك العرض والفرق بينهم، هنتكلم عن أسرار قانونية هتعرفيها لأول مرة وعن حلول قانونية لو عملتيها هتريحك فى حياتك، هتعرفى إيه الأسباب اللى بتخليكى تخسرى قضية بـ الرغم إنك صاحبة حق، كل ده هشرحه بالقانون لكن بطريقة حوا الست اللى زيك".

كما يضم الكتاب العديد من المواضيع منها "التحرش والاغتصاب والابتزاز الإلكترونى، وجرايم السوشيال ميديا، زنا الزوج، إيه حقك لو جوزك اتجوز عليكى، حق الأم المصرية منح جنسيتها لولادها اللى من راجل أجنبى، وحقك فى جواز المتعه والمسيار والفرق بينهم والجواز العرفى، واثبات النسب فيه، حقك لو جوزك منعك من السفر، أو الشغل حقك لو بطل يصرف عليكى، وحقك لو طردك من الشقة، وحقك فى استقلالك المادى عنه".

قد يهمك أيضًا  :

صدور رواية "مقام الشيخ أمين" لـ إيهاب مصطفى عن دار تويا

140 ألف زاروا معرض الكتاب فى يومه السابع.. ومليون و200 ألف منذ افتتاحه