روجينا توجّه رسالة رومانسية إلى نقيب الممثلّين وتؤكّد دعمها له

 صدّر نقيب الممثلين النجم أشرف زكي، المشهد وذلك بعد وفاة هيثم أحمد زكي، بعد وقفته التي أشاد بها الحضور بعد سماعه لخبر رحيل الشاب، وحتى سعيه لأستلام جثته على مسؤوليته الشخضية ودفنه، وإقامة عزاء له بمسجد الشرطة في الشيخ زايد أمس الأحد.

وحرص العديد من النجوم على توجيه الشكر للنقيب، وكانت من بينهم زوجته النجمة روجينا التي كتبت عبر انستغرام: “لما كنت صغيرة ومش فاهمة وبحبه وأنانية وعايزاه جنبى بإستمرار وكانت كل مشاكلنا أول الجواز انت بتفضل النقابة عليا يعنى ممكن يلغى معاد مهم ليا عشان رايح مستشفى او بيحل مشكلة في تصوير أو فيه واجب عزاء لغاية ماربنا حب يعلمني أو يأدبنى أو يربينى”.

“ما هو تربيته أعظم تربية فيحصلى حادثة موت واقعد فى المستشفى أربعين يوم ماهونش عليا غير اهلي والناس وزميلى ووقفهم جنبى مكنش فيه حاجة اسمها وقت زيارة الناس على طول موجودة والله على جبر الخاطر والناس بتطبطب عليك وانت فى أشد الاحتياج لكده”.

“الناس دى ماكنش بتجيلى انا كانت بتيجى لاشرف لانها كانت بترد اللى بيعملة معاهم لأن هو كل سعادته في الدنيا وهو بيساعد حد وهو واقف جنب حد وهو بيواسى حد وهو بيحل مشكلة لحد وعمرة ما فرق بين كبير وصغير”.

 من ساعة الدرس دا اتعلمت انو فيه حد فى الدنيا يبقى هو الأمان السند هو دا اللى هكلمه أول ما يحصلى حاجة دا نقيبى أشرف زكى واتعلمت كمان ان اللي بيعملوا اشرف جوزى هيترد ليا انا وبناته وهيبقى فى ميزان حسناتك هعيش أنا وبناتك فخورين بيك ياحبيبى ربنا يحفظك لنا ويديك الصحة وطولة العمر

قد يهمك أيضًــــــــــا:

روجينا تقدم البطولة النسائية في "البرنس" أمام محمد رمضان 2020